🟡 ఏలూరు జిల్లా : ఏలూరు ఎమ్మెల్యే క్యాంప్ కార్యాలయం : ది డెస్క్ :
సమన్వయంతో గెలుపు గుర్రాల ఎంపికే లక్ష్యం
➖ పంచుమర్తి అనురాధ
స్థానిక పోరులో కూటమిదే గెలుపు గుర్రం!
సమన్వయమే ఆయుధం.. గెలుపే లక్ష్యం
స్థానిక సమరానికి కూటమి వ్యూహరచన
మూడు పార్టీల మైత్రి.. గెలుపుపై గురి
స్థానిక బరిలో కూటమి ‘వందశాతం’ లక్ష్యం
సమన్వయంతో సాగుదాం.. విజయాన్ని సాధిద్దాం
స్థానిక సంస్థల ఎన్నికల్లో కూటమి అభ్యర్థుల విజయమే లక్ష్యంగా సమన్వయంతో ముందుకు సాగాలని టీడీపీ ఏలూరు జిల్లా స్థానిక సంస్థల ఎన్నికల అబ్జర్వర్, ఎమ్మెల్సీ పంచుమర్తి అనురాధ సూచించారు. ఏలూరు పవర్పేటలోని టీడీపీ కార్యాలయంలో శుక్రవారం టీడీపీ, జనసేన, బీజేపీ సమన్వయ కమిటీల సమావేశం నిర్వహించారు. స్థానిక ఎన్నికల్లో అనుసరించాల్సిన వ్యూహాలు, అభ్యర్థుల ఎంపిక, మూడు పార్టీల మధ్య సమన్వయంపై సమావేశంలో సుదీర్ఘంగా చర్చించారు.
అనంతరం అనురాధ మాట్లాడుతూ :
ఏలూరు జిల్లాలో వందశాతం విజయమే లక్ష్యంగా కూటమి నాయకత్వం పనిచేస్తోందన్నారు. బడుగు, బలహీన వర్గాల సంక్షేమానికి కూటమి ప్రభుత్వం ప్రాధాన్యమిస్తోందని తెలిపారు.
MLA బడేటి చంటి మాట్లాడుతూ :
అభ్యర్థి ప్రకటన నుంచి విజయం వరకు మూడు పార్టీల నాయకులు సమన్వయంతో పనిచేసేలా కార్యాచరణ రూపొందిస్తున్నామన్నారు. ఎన్నికల్లో కూటమి ఐక్యతను మరింత బలోపేతం చేస్తామని చెప్పారు. సమావేశంలో ఎమ్మెల్యే చింతమనేని ప్రభాకర్, గన్ని వీరాంజనేయులు, రెడ్డి అప్పలనాయుడు, బొరగం శ్రీనివాస్, ఘంటసాల వెంకటలక్ష్మి, జగ్గవరపు ముత్తారెడ్డి తదితరులు పాల్గొన్నారు.
