ఏలూరు జిల్లా : ముదినేపల్లి : THE DESK :
మండలంలోని సింగరాయపాలెం – చేవూరుపాలెం సెంటర్లో వేంచేసి ఉన్న శ్రీ వల్లీ దేవసేన సమేత సుబ్రహ్మణ్యేశ్వర స్వామి వారి ఆలయం నందు కైకలూరు ఎమ్మెల్యే డాక్టర్ కామినేని శ్రీనివాస్ బుధవారం ఉదయం రాటను ప్రతిష్టించి షష్టి మహోత్సవాల పనులను ప్రారంభించారు.
ఈ సందర్భంగా ఆయన మాట్లాడుతూ.. ఉత్సవాలను వైభవోపేతంగా నిర్వహించాలని.. కమిటీ సభ్యులు ఓర్పుతో భక్తులకు ఎటువంటి ఇబ్బందులు కలుగకుండా చూసుకోవాలన్నారు.
అదేవిధంగా ఉత్సవాలలో ఎటువంటి అవాంఛనీయ సంఘటనలు చోటు చేసుకోకుండా ఆలయ సిబ్బంది మరియు కమిటీ సభ్యులు సమన్వయంతో పనిచేసి ఉత్సవాలు సవ్యంగా జరిగేలా చూడాలని ఎమ్మెల్యే ఆదేశించారు. కార్యక్రమంలో ఎన్డీఏ నాయకులు ప్రజాప్రతినిధులు తదితరులు పాల్గొన్నారు.
