అల్లూరి జిల్లా : మారేడుమిల్లి : ది డెస్క్ :
ఏజెన్సీ గిరిజన ప్రాంతంలో ఉపాధి హామీ పథకం సహకారంతో వెదురు మొక్కల పెంపకానికి కేంద్ర రాష్ట్ర ప్రభుత్వాలు ప్రాధాన్యత కల్పిస్తున్నాయని, భూమి ఉండి ఉపాధి హామీ జాబ్ కార్డు ఉన్నవారు తప్పక ఈ పథకాన్ని సద్వినియోగం చేసుకోవాలని రంపచోడవరం డ్వామా అసిస్టెంట్ ప్రాజెక్ట్ డైరెక్టర్ తూతిక శ్రీనివాస విశ్వనాధ్ అన్నారు.
మంగళవారం స్థానిక అడిషనల్ ప్రోగ్రాం అధికారి కార్యాలయంలో ఉపాధి, వెలుగు సిబ్బందితో సమీక్షా నిర్వహించి అధికారులు సమన్వయంతో పనిచేయాలని సూచించారు.
ఈ సందర్బంగా శ్రీనివాస విశ్వనాధ్ మాట్లాడుతూ… మారేడుమిల్లి మండలంలో సుమారు 300 ఎకరాలలో 1000 మంది లబ్దిదారులకు ఉపయోగపడేలా వెదురు మొక్కల పెంపకం చేపట్టడం జరుగుతుందని, ఇప్పటికే కలెక్టర్ దినేష్ కుమార్ ఈ విషయంలో ఆదేశాలు జారిచేసి లబ్దిదారులను గుర్తించమన్నారని ఏపీడీ శ్రీనివాస విశ్వనాధ్ అన్నారు.
సమావేశంలో ఏపీఓ మాణికుమారి, ఏపీఎం డిఆర్డిఏ దుర్గాప్రసాద్, ఉపాధిహామీ, వెలుగు సిబ్బంది పాల్గొన్నారు.
