ఏలూరు జిల్లా : కైకలూరు : THE DESK :
గుట్టుచప్పుడు కాకుండా అక్రమ మద్యం విక్రయిస్తున్న వ్యక్తిని అరెస్ట్ చేసి అదుపులోకి తీసుకున్నామని కైకలూరు రూరల్ ఎస్సై వి. రాంబాబు మంగళవారం ఓ ప్రకటనలో తెలిపారు.
ఎస్ఐ తెలిపిన వివరాలు ప్రకారం… ఏలూరు జిల్లా ఎస్పీ ప్రతాప్ శివకిషోర్ ఆదేశాల మేరకు.. ఏలూరు DSP మరియు కైకలూరు రూరల్ CI ల పర్యవేక్షణలో కైకలూరు రూరల్ ఎస్సై రాంబాబు తన సిబ్బందితో కలిసి పల్లెవాడ గ్రామంలో అక్రమంగా మద్యం విక్రయిస్తున్నారన్న సమాచారంతో బెల్టు షాప్ పై ఆకస్మిక దాడి చేశారు.
బెల్టు షాప్ నిర్వహిస్తున్న వ్యక్తి అదుపులోకి తీసుకుని అతని వద్ద నుండి 14 మద్యం క్వార్టర్ బాటిళ్లను స్వాధీనం చేసుకుని కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
చట్ట విరుద్ధంగా ఎవరైనా అక్రమ మద్యం తరలించినా.. విక్రయాలు జరిపినా తనకు సమాచారం అందించాలని ఎస్సై కోరారు. దాడిలో ఎస్సై తో పాటు సిబ్బంది ఉన్నారు.
