ఏలూరు జిల్లా : కైకలూరు : THE DESK :
కైకలూరు నియోజకవర్గంలో.. జనసేన అధినేత పవన్ కళ్యాణ్ రాష్ట్ర ఉప ముఖ్యమంత్రిగా పదవి బాధ్యతలు స్వీకరించిన రోజు నుండి కైకలూరు శాసనసభ్యుడు, మాజీ మంత్రి డాక్టర్ కామినేని శ్రీనివాస్ ఆదేశాలు మేరకు, డొక్కా సీతమ్మ స్ఫూర్తితో నిర్వహిస్తున్న అన్న క్యాంటీన్ 145 రోజుకు చేరింది. ఆదివారం అన్నదాతగా దాకరం గ్రామానికి చెందిన చేపరాల పూర్ణచంద్రరావు సహకారంతో సుమారు 400 మందికి అన్నదాన కార్యక్రమం జరిగింది.
ఈ సందర్భంగా కైకలూరు నియోజకవర్గం జనసేన నాయకులు కొల్లి వరప్రసాద్ (బాబీ), తెలుగు యువత రాష్ట్ర కార్యదర్శి పులా రాజి మాట్లాడుతూ.. పవన్ కళ్యాణ్ మీద అభిమానంతో ఆయన ఉప ముఖ్యమంత్రిగా పదవీ బాధ్యతలు స్వీకరించిన రోజు నుండి కైకలూరు శాసనసభ్యుడు, మాజీ మంత్రి డాక్టర్ కామినేని శ్రీనివాస్ ఆదేశాలు మేరకు దాతల సహాయంతో నిర్వహిస్తున్న అన్నా క్యాంటీన్ 145 రోజుకు చేరుకోవడం చాల ఆనందంగా ఉందని.. దాతలను మరొక్కసారి అభినందిస్తున్నామని తెలిపారు. ప్రభుత్వం అన్నా క్యాంటీన్ ను అధికారకంగా ప్రారంభించేంతవరకు ఇలాగే కొనసాగిస్తామని తెలిపారు.
కైకలూరు జనసేన నాయకులు MPTC మంగినేని రామకృష్ణ, తులసి పూర్ణచంద్రరావు ( పూర్ణ), కోటి నాగరాజు, తదితర ఎన్డీఏ నాయకులు కార్యక్రమంలో పాల్గొన్నారు.
